ტყიბულისა და თერჯოლის გაერთიანებული ოლქის მაჟორიტარი დეპუტატის ბიუროს წევრებმა, ნიკა წიქრიძემ და მარიამ გაბრიაძემ, ა.(ა.)ი.პ ტყიბულის მუნიციპალიტეტის კულტურის ობიექტების გაერთიანების ხელმძღვანელთან, თამარ ლაფერაძესთან აქტიური თანამშრომლობით, ტყიბულში, პროექტი „ახალგაზრდა მოგზაურთა ბანაკი - წეროები“ განხორციელეს.

პროექტი, არასამთავრობო ორგანიზაცია Iris Group – Managing Diversity-ის მიერ გამოცხადებული ალუმნი პროექტების გრანტების კონკურსში მოპოვებული ფულადი სახსრებით დაფინანსდა. სწორედ აღნიშნული ორგანიზაციის ალუმნი გახლავთ ნიკა წიქრიძე, რომელმაც საგრანტო განაცხადი დაარეგისტრირა.

პროექტის მიზანი იყო:

• მუნიციპალიტეტის მასშტაბით კლასგარეშე აქტივობებისა და პროგრამების შემუშავების წახალისება;
• ადგილობრივი ტურისტული პოტენციალის გამოვლენა, საზოგადოებისთვის უცნობი დასაინტერესო ტურისტული ადგილების აღმოჩენა და მასზე აპელირება;
• მოსწავლეებისთვის სკაუტური და ლიდერული უნარ-ჩვევების გაცნობა და ათვისება;
• ცხოვრების ჯანსაღი წესის პროპაგანდა;
• გარემოსდაცვითი ცნობიერების ამაღლება.

მიზნებიდან გამომდინარე პროექტი შემდეგ აქტივობებს მოიცავდა:
• ტრენინგები ტურიზმზე, ლაშქრობასა და სკაუტიზმზე;
• პრაქტიკულ მასტერკლასებს;
• ფილმის ჩვენებებს;
• ფოტო და ვიდეობლოგებს;
• დასუფთავების აქციებს;
• ლაშქრობებს ტყიბულის მუნიციპალიტეტის სხვადასხვა ტურისტულ ობიექტებზე.

ღონისძიებაში ჩართული იყვნენ ტყიბულის საჯარო სკოლების სხვადასხვა საფეხურის მოსწავლეები.

პროექტის ფარგლებში შეძენილი იქნა სკაუტური ბანაკისთვის საჭირო სალაშქრო აღჭურვილობა და სხვა ნივთები: ჰამაკები, ქვეშაგებები, ფარნები, სამაგიდო თამაშები, სპორტული თამაშების ინვენტარი , მობილური ტრენინგებისთვის საჭირო მასალები და სხვა ინვენტარი, რომელიც პროექტის დასრულების შემდეგ, საჩუქრად ა.(ა.)ი.პ. ტყიბული მუნიციპალიტეტის კულტურის ობიექტების გაერთიანებას გადაეცემა.

აღნიშნული ღონისძიებები, კამპანია „Choose Tkibuli-აირჩიე ტყუბული“-ს ფარგლებში ხორიცელდება და ეს პროექტის მხოლოდ პირველი ეტაპია. აქტივობები 2019 წელსაც გაგრძელდება.